میرپور(نیوزڈیسک ) دوسرے اور آخری ٹیسٹ کے پہلے روز کھیل کے اختتام پر پاکستان نے 323 رنز بنا لئے ہیں۔میرپور کے شیر بنگلا نیشنل اسٹیڈیم میں کھیلے جارہے میچ کے پہلے روز کھیل کے اختتام پر پاکستان نے 3 وکٹوں کے نقصان پر323 رنز بنا لئے ہیں۔ پاکستان کی جانب سے محمد حفیظ اور سمیع اسلم نے اننگز کا آغاز کیا لیکن 9 کے مجموعی اسکور پر محمد حفیظ 8 رنز بنا کر آوٹ ہو گئے۔ پاکستان کو دوسرا نقصان 58 کے اسکور پر ہوا جب سمیع اسلم 19 رنز بنا کر آوٹ ہو گئے۔ دونوں اوپنرز کے آو¿ٹ ہونے کے بعد اظہر علی اور یونس خان کی جانب سے شاندار بلے بازی کا مظاہرہ کرتے ہوئے اپنی سنچریاں مکمل کیں۔اظہر اور یونس کے درمیان 250 رنز کی شراکت ہوئی اور 308 کے مجموعی اسکور پر یونس خان 148 رنز بنا کر آوٹ ہوئے۔ پہلے دن جب کھیل ختم ہوا تو اظہرعلی 127 اور کپتان مصباح الحق 9 رنز کے ساتھ کریز پر موجود تھے. بنگلا دیش کی جانب سے محمد شاہد نے 2 اور تیج الاسلام نے ایک وکٹ حاصل کی۔