پشاور(نیوز ڈیسک)صوبائی دارالحکومت پشاور میں جاری انٹر ریجنل یوتھ گیمز کے سلسلے میں منعقدہ خواتین ہاکی ٹورنامنٹ مردان ریجن نے جیت کر تاریخ رقم کردی۔فائنل میں فاتح ٹیم نے پشاور کو دو، صفر سے شکست دے کر چیمپئن ٹرافی اپنے نام کرلی۔اختتامی تقریب کے مہمان خصوصی ڈائریکٹر اسپورٹس طارق محمود تھے جنہوں نے کھلاڑیوں کو میڈلز پہنائے۔فائنل میں مردان کی کھلاڑیوں نے بہترین کھیل پیش کیا۔مردان کی جانب سے محسنہ فضل اور حسینہ ناز نے ایک، ایک گول کرکے اپنی ٹیم کی کامیابی میں کلیدی کردار اداکیا۔میچ میں سابق انٹر نیشنل ہاکی کھلاڑی ضیاءالرحمن بنوری اور وقار نے امپائرنگ جبکہ لقمان نے جج کے فرائض انجام دیئے۔