لندن (دنیا نیوز)کاونٹی لینشائر کے آل راونڈر لیام لنگویسٹن نے کلب میچ کے دوران 138 گیندوں پر 350 رنز سکور کر کے ون ڈے کرکٹ میں تاریخ رقم کر دی۔
برطانوی کلب nantwich کی جانب سے کھیلتے ہوئے 21 سالہ آل راﺅنڈر نے 138 گیندوں پر 350 رنز بنا کر ون ڈے کرکٹ میں نیا ریکارڈ قائم کیا ، لیام کی اننگز میں 34 چوکے اور 27 چھکے شامل تھے۔ لیام کا کہنا تھا کہ 100 رنز بنانے کے بعد وہ ہر گیند کو چھکے کے لیئے ہٹ کرنے کی کوشش کرنے لگے پھر جب وہ 300 رنز کے قریب پہنچے تو انہیں اندازہ ہوا کہ کچھ خاص ہو سکتا ہے۔ لیام کی ٹیم نے کیلڈی کلب کے خلاف پانچ سو اناسی رنز بنائے جبکہ کیلڈی کی ٹیم اناسی رنز پر ہی ڈھیر ہوگئی اور نانٹوچ کی ٹیم 500 رنز سے جیت گئی۔ لیام لینشائر سکواڈ میں شامل ہیں لیکن ابھی تک کاونٹی کی طرف سے کوئی میچ نہیں کھیلے۔