اتوار‬‮ ، 20 اپریل‬‮ 2025 

ورلڈکپ2015،پاکستان نے جنوبی افریقہ کو 29رنز سے شکست دیدی

datetime 7  مارچ‬‮  2015
ہمارا واٹس ایپ چینل جوائن کریں

آکلینڈ (مانیٹرنگ ڈیسک) آکلینڈ کے ایڈن پارک میں کھیلے گئے میچ میں جنوبی افریقا کے کپتان اے بی ڈیویلئرز نے ٹاس جیت کر پاکستان کو پہلے بیٹنگ کی دعوت دی تو بارش کے باعث میچ کو 47 اوورز تک محدود کردیا گیا، پاکستان کی جانب سے سرفراز احمد اور احمد شہزاد نے اننگز کا آغاز کیا لیکن آٹھویں اوور میں 30 کے مجموعے پر احمد شہزاد 18 رنز بنا کر کائل ایبٹ کی گیند پر کیچ آؤٹ ہوگئے، سرفراز احمد نے 49 گیندوں پر 3 چھکوں اور 5 چوکوں کی مدد سے 49 رنز کی عمدہ اننگز کھیلی اور 17ویں اوور میں رن آؤٹ ہوئے جب کہ یونس خان 37 رنز بنا کر اے بی ڈویلئرز کی گیند پر کیچ آؤٹ ہوئے، صہیب مقصود بھی زیادہ دیر تک کریز پر ٹکنے میں ناکام رہے اور 8 کے انفرادی اسکور پر کائل ایبٹ کا شکار بنے جب کہ عمر اکمل بھی ایک بار پھر ناکام ہوتے ہوئے 175 کے مجموعے پر 13 رنز بنا کر پویلین لوٹے۔

اس موقع پر قومی ٹیم کے مرد بحران مصباح الحق نے ایک بار پھر ذمہ دارانہ بیٹنگ کا مظاہرہ کیا اور ورلڈ کپ کی چوتھی نصف سنچری مکمل کرتے ہوئے 56 رنز کی شاندار اننگز کھیلی جس کی بدولت قومی ٹیم 222 رنز بنا سکی اور پوری ٹیم 47 ویں اوور میں آؤٹ ہوگئی تاہم جنوبی افریقا کو ڈک ورتھ لوئس میتھڈ کے تحت 47 اوورز میں 232 رنز کا ہدف ملا۔ جنوبی افریقا کی جانب سے ڈیل اسٹین نے شاندار بولنگ کا مظاہرہ کرتے ہوئے 3 کھلاڑیوں کو آؤٹ کیا، کائل ایبٹ اور مورنے مورکل نے 2،2 جب کہ عمران طاہر اور اے بی ڈیویلئرز نے ایک، ایک وکٹ حاصل کی۔

جنوبی افریقا کی ٹیم 232 رنز کے ہدف کے تعاقب میں 34ویں اوور میں 202 رنز بنا کر ڈھیر ہوگئی، جنوبی افریقا نے بظاہر آسان نظر آنے والے ہدف کے تعاقب میں بیٹنگ کا آغاز کیا تو پہلے اوور کی دوسری گیند پر ہی کوئٹن ڈی کوک بغیر کوئی رن بنائے وکٹوں کے پیچھے کیچ آؤٹ ہوگئے جس کے بعد فال ڈوپلیسی کریز پر آئے اور ہاشم آملہ کے ساتھ مل کر 67 رنز کی شراکت قائم کی تاہم پھر ڈوپلیسی 27 کے انفرادی اسکور پر راحت علی کا شکار بنے جب کہ ہاشم آملہ بھی ٹیم کے مجموعی اسکور میں مزید اضافہ کئے بغیر 38 رنز بنا کر وہاب ریاض کی گیند پر وکٹوں کے پیچھے کیچ آؤٹ ہوگئے۔



کالم



ڈیتھ بیڈ


ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…