لاہور( نیوزڈیسک)پاکستان کرکٹ بورڈ کے چیئرمین شہر یارخان واہگہ بارڈر کے راستے بھارت پہنچ گئے ۔ چیئرمین پی سی بی اپنے دورہ کے دوران بھارتی کرکٹ بورڈ کے سربراہ جگموہن ڈالمیا سے ملاقات کر کے ا نہیں عہدہ سنبھالنے پر مبارکباد اور دسمبر میں یو اے ای میں طے شدہ پاک بھارت کرکٹ سیریز کے شیڈول کی تصدیق کے حوالے سے بات چیت کریں گے ۔ شہر یار خان کی دورہ بھارت کے دوران دیگر حکومتی ذمہ داران سے بھی ملاقاتیں متوقع ہیں جس میں پاک بھارت کرکٹ کے حوالے سے بات کی جائے گی۔