سڈنی (نیوز ڈیسک ) گیارھویں آئی سی سی ورلڈ کپ کرکٹ ٹورنامنٹ میں (آج) جمعہ کو ایک اور (کل) ہفتہ کو مزید دو میچ کھیلے جائینگے، اس سلسلے میں جمعہ کو واحد میچ پول بی کی ٹیموں جنوبی افریقہ اور ویسٹ انڈیز کے درمیان آسٹریلیا کے سڈنی کرکٹ گراؤنڈ پر کھیلا جائیگا۔ میگا ایونٹ میں (کل) ہفتہ کو مزید دو میچز کھیلے جائینگے اور اس سلسلے کا پہلا میچ میں شامل پول اے کی ٹیموں اور ورلڈ کپ کی میزبان ٹیموں نیوزی لینڈ اور آسٹریلیا کے درمیان آکلینڈ میں کھیلا جائیگا جبکہ ہفتہ کو دوسرا میچ پول بی کی ٹیموں بھارت اور یو اے ای کے درمیان پرتھ میں کھیلا جائیگا۔ واضح رہے کہ میگا ایونٹ کے مین راؤنڈ کا پہلا کوارٹر فائنل میچ 18 مارچ کو کھیلا جائے گا۔ میگا ایونٹ کا پہلا سیمی فائنل میچ24 مارچ کو ایڈن پارک، آکلینڈ میں کھیلا جائیگا، جبکہ دوسرا سیمی فائنل میچ 26 مارچ کو سڈنی کرکٹ گراؤنڈ پر کھیلا جائیگا، میگا ایونٹ کی دو فائنلسٹ ٹیموں کے درمیان فائنل میچ 29 مارچ کو میلبورن کرکٹ گراؤنڈ پر کھیلا جائیگا۔