حضور اقدس صلی اللہ علیہ والہ وسلم نے ارشاد فرمایا کہ محبت اللہ تعالیٰ کی طرف سے ہوتی ہے ۔آسمان سے اتاری جاتی ہے۔جب اللہ تعالیٰ کسی بندہ سے محبت فرماتے ہیں تو جبرئیل علیہ السلام سے فرماتے ہیں اے جبرئیل!تیرا رب فلاں بندہ سے محبت رکھتا ہے تو بھی اس سے محبت کر تو جبرئیل علیہ السلام آسمانوں پر آواز لگاتے ہیں کہ تمھارا رب فلاں بندہ سے محبت فرماتے ہیں تم بھی اس سے محبت رکھوتو آسمان والے اس سے
محبت کرنے لگتے ہیں۔پھر اس کی محبت زمین پر اتاری جاتی ہے جب اللہ تعالیٰ کسی بندہ سے بغض رکھتے ہیں تو جبرئیل علیہ السلام سے فرماتے ہیں کہ میں فلاں بندہ سے بغض رکھتا ہوں تم بھی اس سے بغض رکھو تو جبرئیل علیہ السلام آواز لگاتے ہیں کہ تمھارا رب فلاں بندہ سے بغض رکھتے ہیں تم بھی اس سے بغض رکھو تو آسمان والے سب اس سے بغض رکھنے لگتے ہیں۔پھر زمین میں اس کے خلاف بغض و نفرت عام ہو جاتی ہے۔
