نیویارک(این این آئی) امریکی ملٹی نیشنل آن لائن کمپنی ایمازون نے 2030 تک بھارت میں اپنی سرمایہ کاری کو 26 ارب ڈالر تک لے جانے کا اعلان کر دیا۔غیر ملکی خبر رساں ایجنسی کے مطابق ایمازون کے چیف ایگزیکٹو آفیسر (سی ای او) اینڈی جسی نے امریکہ میں بھارتی وزیر اعظم نریندر مودی سے ملاقات کی۔

اس ملاقات اور اعلان کے بعد اب بھارتی سرمایہ کاری میں 6.5 ارب ڈالر کا اضافہ ہو گا۔رپورٹ کے مطابق مودی اور جسی نے ہندوستانی اسٹارٹ اپس کو سپورٹ کرنے، ملازمتیں پیدا کرنے، برآمدات کو فعال کرنے، ڈیجیٹلائزیشن اور چھوٹے کاروبار کو عالمی سطح پر مقابلہ کرنے کے لیے بااختیار بنانے کے بارے میں بات کی۔واضح رہے کہ بھارتی وزیر اعظم نریندر مودی نے دورہ امریکہ کے دوران ایپل ، گوگل اور مائیکرو سافٹ سمیت دیگر امریکی اور ہندوستانی ٹیکنالوجی ایگزیکٹوز سے ملاقات کی تھی اور ان سے بھارت میں سرمایہ کاری کرنے کی اپیل کی تھی۔