لاہور ( این این آئی) فیڈرل بورڈ آف ریونیو (ایف بی آر )نے معروف گلوکار عاطف اسلم کو نوٹس جاری کرکے سال 2020ء کے آڈٹ کے لئے ریکارڈ طلب کرلیا ہے۔ ایف بی آر نے گلوکار کو ریکارڈ فراہم کرنے کے لئے آج ( جمعہ ) 16 جون کی ڈیڈ لائن دی ہے۔

ذرائع کے مطابق ایف بی آر نے عاطف اسلم سے بکس آف اکائونٹس، بنک اکائونٹ سٹیٹمنٹس، آمدن کی رسیدیں اور ذاتی اخراجات کی تفصیلات مانگ لیں۔ایف بھی آر ذرائع کے مطابق گلوکار نے سال 2020ء میں آمدن 7کروڑ 80 لاکھ روپے ظاہر کی اور انہوں نے 4 کروڑ روپے کے ذاتی اخراجات جبکہ 5کروڑ 60 لاکھ روپے کے واجبات ظاہر کئے ہیں۔ریکارڈ موصول ہونے کے بعد گلوکار عاطف اسلم کے ٹیکس معاملات کی چھان بین کی جائے گی۔

موضوعات:عاطف اسلم