پشاور (این این آئی)خیبرپختونخوا کے ہسپتالوں میں کینسر کے علاج کیلئے فنڈز نہ ہونے کا انکشاف ہوا ہے۔ رقم نہ ہونے کی وجہ سے مریضوں کو ادویات کی فراہمی روک دی گئی۔مشیر صحت خیبرپختونخوا ڈاکٹر ریاض انور نے نجی ٹی وی سے گفتگو میں کہا کہ بجٹ میں کینسر کے مریضوں کیلئے فنڈز مختص کیے جائیں گے جس کے بعد مسائل حل ہوں گے۔

فنڈز مختص کرنے کے بعد ہسپتالوں کو ادویات کی فراہمی ممکن ہوسکے گی۔محکمہ صحت کے مطابق خیبرپختونخوا میں 8 ہزار کینسر کے مریض رجسٹرڈ ہیں، انتظامیہ کے مطابق گزشتہ 6 ماہ سے کینسر کے علاج کیلئے فنڈز نہیں مل رہے، فنڈز نہ ہونے کی وجہ سے کینسر کے مریضوں کو ادویات کی فراہمی بند ہے۔