پشاور (این این آئی) جمعیت علمائے اسلام (ف) کے رہنماء اکرم خان درانی نے کہا ہے کہ پی ٹی آئی کے لوگ واپسی کیلئے رابطہ کر رہے ہیں مگر ہمارا ہائوس فل ہے، پی ٹی آئی والے پہلے ہٹ دھرمی ،اب مذکرات کی بات کرتے ہیں۔

پشاور میں میڈیا سے گفتگو کرتے ہوئے رہنماء جے یو آئی (ف) اکرم خان درانی نے کہا کہ پی ٹی آئی کے ساتھ جو ہو رہا ہے یہ مکافاتِ عمل ہے۔انہوں نے کہا کہ 2018 میں جو دوسری جماعتوں کے ساتھ ہو رہا تھا وہی اب پی ٹی آئی کے ساتھ ہو رہا ہے۔انہوں نے کہا کہ پی ٹی آئی والے پہلے ہٹ دھرمی کرتے تھے، اب مذکرات کی بات کرتے ہیں۔انہوں نے کہا کہ صحت کارڈ اور ادویات کی خرید و فروخت کے سکینڈل کی تحقیقات چل رہی ہیں۔انہوں نے کہا کہ پی ٹی آئی نے اتنے لوگ بھرتی کیے کہ اب ان کو دینے کے لیے تنخواہ نہیں ہے۔انہوں نے کہا کہ 2018 میں پی ٹی آئی میں شامل کیے گئے لوگوں کی واپسی کا عمل جاری ہے، ہمارے ساتھ رابطے ہو رہے ہیں مگر ابھی ہمارا ہائوس فل ہے۔