ملتان (این این آئی) پاکستان تحریک انصاف کی ایک اور وکٹ گر گئی تحریک انصاف صوبائی حلقہ 206 خانیوال کے سابق ایم پی اے وضلعی جنرل سیکرٹری عمران پرویز دھول نے ضلع لودھراں رانا شہزاد اور تحریک انصاف کے دیگر رہنماؤں نے پریس کلب میں پریس کانفرنس کے دوران

پی ٹی آئی کی بنیادی رکنیت سے مستعفی اور پارٹی چھوڑنے کا اعلان کر دیا ہے اور کہاکہ تحریک انصاف میں 2013 میں شامل ہوئے اور خانیوال میں پارٹی کو مضبوط کیا مختلف عہدوں پر فائز بھی رہا لیکن 9 مئی کو جس طرح پاک فوج جیسے ادارے پر حملہ کیا گیا اس کی وجہ سے دنیا بھر میں بدنامی ہوئی جس کی جتنی مزمت کی جائے وہ کم ہے ذمہ داروں کو قرار واقعی سزادی جائے ہم پاک فوج کے شانہ بشانہ کھڑے ہیں ۔ایک سوال کے جواب میں انہوں نے کہا کہ جن بے گناہ لوگوں کے گھروں پر چھاپے مارے جا رہے ہیں اور گرفتار ہیں ان کی رہائی کے لیے تمام تر صلاحیتیں بروئے کار لائیں گے ۔ایک اور سوال کے جواب میں انہوں نے کہا کہ آ ئند ہ کی سیاست کے لیے دوست واحباب کے ساتھ مشاورت کریں گے۔