اسلام آباد (این این آئی)پاکستان تحریک انصاف کے رہنما ارشاد خان نے پارٹی چھوڑنے کا اعلان کردیا۔پریس کلب میں میڈیا سے گفتگو میں ارشاد خان نے کہا کہ جو حالات سامنے آئے ہیں اس کی پیشگوئی میں پہلے کرچکا تھا۔انہوں نے کہا کہ عمران خان نے بار بار یو ٹرن لیا، چیئرمین پی ٹی آئی جس سے آزادی لینے کی بات کرتے تھے، اْسی سے مدد مانگنے لگ گئے ہیں۔ارشاد خان نے کہا کہ میں نے ماضی میں عوامی نیشنل پارٹی (اے این پی) چھوڑی تاہم آج تک ایک بات بھی ان کے خلاف نہیں کی۔انہوںنے کہاکہ پارٹی چھوڑنا کوئی بری بات نہیں ہے، آج پی ٹی آئی کی پارٹی رکنیت سے استعفیٰ دیتا ہوں۔