لاہور ( این این آئی) لاہور کی اینٹی کرپشن عدالت نے سابق وزیر اعلیٰ پنجاب چودھری پرویز الٰہی کی ضمانت مسترد کرنے کا تحریری حکم جاری کردیا۔اینٹی کرپشن عدالت کے جج علی رضا نے دو صفحات پر مشتمل تحریری فیصلہ جاری کیا۔فیصلے میں لکھا گیا ہے کہ عبوری ضمانت میں قانون واضح ہے۔ قانون تمام شہریوں کے لیے برابر ہے، عدالت پرویز الٰہی کی ضمانت عدم حاضری کی بنیاد پر مسترد کرتی ہے
۔تحریری فیصلے کے مطابق تفتیشی افسر نے بتایا کہ ابھی تک پرویز الٰہی نے تفتیش جوائن نہیں کی، گزشتہ سماعت پر پرویزالٰہی نے میڈیکل گرائونڈ پر ایک روزہ حاضری معافی کی درخواست دی تھی تاہم میڈیکل رپورٹس کی بھی سرکاری سطح پر تصدیق نہیں ہوسکی۔ پرویز الٰہی پر ترقیاتی منصوبوں کے کاموں میں کرپشن سمیت دیگر الزامات کے تحت مقدمہ درج ہے۔
