اسلام آباد (این این آئی)آئندہ وفاقی بجٹ کا مجموعی حجم 14 ہزار 600 ارب سے زیادہ رکھنے کی تجویزرکھی گئی ہے۔وزارت خزانہ کے مطابق سالانہ پلان کوآرڈینیشن کمیٹی کا اجلاس 2 جون کو ہوگا، جبکہ قومی اقتصادی کونسل اجلاس 3 جون کو طلب کیا گیا ہے جو وزیرِاعظم کی زیر صدارت ہوگا۔

وزارت خزانہ کے مطابق جی ڈی پی گروتھ کا تخمینہ 0.29 فیصد ہے،نئے مالی سال کے بجٹ اہداف کو حتمی شکل دی جارہی ہے۔وزارت خزانہ کے حکام کا کہنا ہے کہ وفاقی ترقیاتی پروگرام کی مد میں 700 ارب روپے تجویز کئے ہیں، وزیرِاعظم ترقیاتی بجٹ کو ایک ہزار ارب روپے تک بڑھا سکتے ہیں۔بجٹ کا مجموعی حجم 14 ہزار 600 ارب سے زیادہ رکھنے کی تجویز ہے، جبکہ بجٹ میں عوام کو ریلیف دینے کیلئے کمیٹیاں قائم کردی گئی ہیں۔