رحیم یار خان (این این آئی)رحیم یارخان میں 11 ویں جماعت کی طالبہ کو سرکاری اسکول کے کلرک نے مبینہ زیادتی کا نشانہ بنا ڈالا پولیس نے مقدمہ درج کر کے لڑکی کو طبی معائنے کیلئے ہسپتال منتقل کر دیا۔
واقعہ کے بعد محکمہ تعلیم نے کلرک کو معطل کر دیا ہے۔پولیس کے مطابق گرلز اسکول کا کلرک طالبہ کو داخلے کا جھانسہ دے کر انٹرویو کے لیے کرائے کے مکان پر لے گیا اور وہاں اسے مبینہ زیادتی کا نشانہ بنایا۔پولیس نے متاثرہ لڑکی کے والدین کی شکایت پر مکان پر چھاپہ مار کر ملزم کو گرفتار کر لیا اور لڑکی کو بازیاب کرا لیا۔لڑکی کی شکایت پر ملزم کے خلاف زیادتی کا مقدمہ درج کر لیا گیا اور لڑکی کو ہسپتال منتقل کر دیا گیا ہے۔پولیس کے مطابق تفتیش شرو ع کر دی گئی، سی ای او تعلیم نے ملزم کلرک کو معطل کر کے اس کے خلاف کارروائی شروع کر دی ہے۔
