اسلام آباد (این این آئی)وفاقی وزیر تعلیم رانا تنویر حسین نے کہا ہے کہ پاکستان میں اسکول نہ جانے والے بچے دنیا میں سب سے زیادہ ہیں۔جمعہ کو قومی اسمبلی میں پاکستان میں اسکول نہ جانے والے بچوں سے متعلق سوال کے جواب میں رانا تنویر نے بتایا کہ پاکستان میں 2 کروڑ 30 لاکھ بچے اسکول نہیں جاتے۔وفاقی وزیر تعلیم رانا تنویر نے بتایا کہ پاکستان میں اسکول نہ جانے والے بچے دنیا میں سب سے زیادہ ہیں۔رانا تنویر نے کہاکہ 30 جون تک اسلام آباد میں اسکول سے باہر بچوں کی تعداد صفر پر لانے کا ہدف ہے۔