واشنگٹن(این این آئی)امریکا کی الیکٹرک کار بنانے والی کمپنی کے خلاف کیلیفورنیا کے ایک شہری ٹیسلا کار کے مالک نے کسٹمرز کی پرائیویسی کی خلاف ورزی کے الزام پر مقدمہ دائر (کلاس ایکشن)کردیا۔غیرملکی خبرایجنسی کی رپورٹ کے مطابق کیلیفورنیا کے شمالی ضلعے کی امریکی ڈسٹرکٹ کورٹ میں مقدمہ درج کیا گیا،
اس سے پہلے ٹیسلا کے ملازمین نے داخلی پیغام رسانی کے نظام کے ذریعے ذاتی طور پر ویڈیوز اور تصاویر جاری کی گئی تھیں جو2019سے2022کے دوران کسٹمرز کی کاروں کے کیمرے سے ریکارڈ کی گئی تھیں۔ٹیسلا کی وائی ماڈل کار کے مالک اور سان فرانسیسکو کے شہری ہنری نے مقدمہ دائر کرتے ہوئے الزام عائد کیا کہ ٹیسلا کمپنی کے ملازمین کو لطف اندوز ہونے کے لیے ان کی تصاویر اور ویڈیو تک رسائی دی گئی ہے۔درخواست گزار کے وکیل جیک فٹزجیرالڈ نے بیان میں کہا کہ میرے موکل کی طرح ہر کوئی اس منصوبے پر سیخ پا ہے جو ٹیسلا کے کیمرے ان کے اہل خانہ کی پرائیویسی توڑنے کے لیے استعمال کیے جاسکتے ہیں، جبکہ کیلیفورنیا کا قانون شہریوں کو تحفظ دیا ہے۔ انہوں نے کہا کہ ٹیسلا کو ان افراد کے خلاف کارروائی کرنی پڑے گی جنہوں نے مداخلت کی ہے اور ان کی اور ٹیسلا کے دیگر صارفین کی ذاتی معلومات کا غلط استعمال کیا ہے۔دوسری جانب ٹیسلا کمپنی کی طرف سے تاحال کوئی بیان جاری نہیں کیا گیا۔
