اسلام آباد (مانیٹرنگ ڈیسک/این این آئی)معروف ٹک ٹاکر حریم شاہ کی ویڈیو وائرل ہونے کے بعد مفتی عبد القوی نے اپنا ردعمل دےدیا ۔ مفتی عبد القوی نے دعویٰ کیا ہے کہ ایک مہینے میں ہر دوسرے یا تیسرے دن مجھ سے رات کو رابطہ کر رہی ہے ، میں اب ذرا سیانہ ہو گیا ہوں

اور اس کی آواز پہچان لیتا ہوں اگر کمرے میں روشنی ہوتی ہے تو لائیٹ آف کر دیتا ہوں تاکہ میری کوئی ویڈیو نہ بن جائے کیونکہ اس نے میری ویڈیو ہی بنانی ہے ۔ مفتی عبدالقوی نے کہا کہ آج اس کے ساتھ یہ ہوا ہے کہ یہ ذلت کے اس اعلی مقام تک پہنچی ہے ، بدتر مقام تک پہنچی ہے جس کے بعد اب کوئی شخص اسے انسان نہیں سمجھتا ، اب وہ بیچاری کہہ رہی ہے جی یہ جو ویڈیو ہے فلاں نے وائرل کی ہے۔خیال رہے کہ پاکستان کی متنازع ٹک ٹاک اسٹارحریم شاہ نازیبا ویڈیوز لیک ہونے کے بعد سوشل میڈیا پر شدید تنقید کا شکار ہیں۔حریم شاہ سوشل میڈیا پر لیک ہونے والی ویڈیوز میں مبینہ طور پر باتھ روم میں نہاتے ہوئے نازیبا حرکات کرتے نظر آرہی ہیں۔ٹِک ٹاکر کی یہ ویڈیوز ایک نامعلوم صارف کے سوشل میڈیا اکائونٹ سے لیک کی گئی ہیں۔حریم شاہ نے ان لیک ویڈیوز پر ردِعمل دیتے ہوئے یہ دعویٰ کیا ہے کہ یہ ویڈیوز ان کی اپنی سہیلیوں عائشہ ناز اور صندل خٹک نے لیک کی ہیں۔اْنہوں نے بتایا کہ جب ہم سب سہیلیاں ساتھ رہتی تھیں تو ان دونوں نے میرے فون سے ڈیٹا چوری کیا۔انہوں نے مزید بتایا کہ عائشہ ناز پر مجھے پہلے ہی شک تھا اور وہ یہ ویڈیوز وائرل کرنے سے پہلے یہ کہہ بھی چکی تھی کہ وہ میری ویڈیوز کو سوشل میڈیا پر وائرل کردے گی تو میں نے اس کے خلاف ایف آئی اے (FIA) میں شکایت درج بھی کروائی تھی لیکن اس وقت عائشہ ناز کے خلاف کارروائی نہیں کی گئی۔

حریم شاہ کا کہنا ہے کہ وہ ملزمان کے خلاف قانونی کارروائی ضرور کریں گی۔واضح رہے کہ حریم شاہ اکثر ہی مختلف تنازعات اور لیک ویڈیوز کی وجہ سے میڈیا کی توجہ کا مرکز بنی رہتی ہیں یہاں تک کہ ایک بار تو ٹِک ٹاکر کو سونے اور نقد رقم کی اسمگلنگ کیس میں ملوث ہونے پر ترکی میں حراست میں بھی لیا گیا تھا۔