پشاور(این این آئی)خیبرپختونخوا بار کونسل نے سپریم کورٹ کیلئے خیبرپختونخوا سے ججز نہ لینے پر یکم مارچ کو ہڑتال کی کال دیدی۔ خیبر پختونخوا بار کونسل کے مطابق سپریم کورٹ کیلئے خیبرپختونخوا سے ججز نہ لینے کے معاملہ پر یکم مارچ کو ہڑتال کی جائے گی ، یکم مارچ کو وکلاء عدالتوں میں پیش نہیں ہونگے،بار کونسل اعلامیے کے مطابق 2017 سے خیبرپختونخوا کے ججز کو نظر انداز کیا گیا ہے، سپریم کورٹ میں تمام فیڈریشن کی برابر نمائندگی ہونی چاہئے۔خیبرپختونخوا بار کونسل نے جوڈیشل کمیشن کا فوری اجلاس بلانے کا مطالبہ کیا جبکہ معاملے پر بہت جلد پشاور میں وکلاء کنونشن کے انعقاد کا اعلان کیا۔

موضوعات:ہڑتال کی کال