اسلام آباد (این این آئی)جنوبی افریقا کے جارحانہ انداز میں بیٹنگ کرنے والے بیٹر ڈیوڈ ملر نے بابر اعظم کی بیٹنگ کی تعریف کرتے ہوئے بھارت کے بیٹر ویرات کوہلی پر ترجیح دیدی ۔ ایک انٹرویومیں ڈیوڈ ملر نے ناصرف بابر اعظم کے شاٹ کی تعریف کی بلکہ اس کو بھارت کے بیٹر ویرات کوہلی پر بھی ترجیح دی۔ڈیوڈ ملر سے ویرات کوہلی اور بابر اعظم میں سے کسی ایک کے کور ڈرائیو شاٹ کا انتخاب کرنے کے لیے کہا گیا جس پر انہوں نے جواب میں بابر اعظم کا انتخاب کیا۔جنوبی افریقی کھلاڑی سے پوچھا گیا کہ آپ پاکستان کو ہرانا چاہیں گے یا بھارت کو جس پر انہوں نے کہا کہ بھارت کو۔