لاہور (این این آئی)معذوری کرکٹ کے شوق پر حاوی نہ ہوسکی۔تفصیلات کے مطابق سوشل میڈیا پر بھی ایککرکٹ سے محبت کرنے والے کم عمر لڑکے کی ویڈیو وائرل ہو رہی ہے۔کھلے میدان میں کرکٹ کھیلنے والے بچے نے اپنی معذوری کو بھی اپنے شوق، جنون اور محبت پر حاوی نہ ہونے دیا۔دونوں ہاتھوں سے محروم لڑکے نے اپنی ٹانگوں سے بیٹنگ کی اور بائونڈری بھی اسکور کی۔ویڈیو میں دیکھا جاسکتا ہے کہ اس موقع پر اس کے دوستوں نے بھی اس کی تعریف کی اور اس کا حوصلہ بڑھایا۔سوشل میڈیا پر بھی اس ویڈیو میں نظر آنے والے لڑکے کی بہت تعریف کی گئی ۔