راولپنڈی (این این آئی)سابق وزیر داخلہ اور سینئر سیاستدان چوہدری نثار علی خان نے کہا ہے کہ مشیر ہوتا تو شہباز شریف کو حکومت نہ لینے کا مشورہ دیتا،اس وقت مشکلات ہیں، بروقت انتخابات نہ ہوئے تو ان میں مزید اضافہ ہو گا، میں الیکشن آزاد حیثیت میں لڑوں گا۔میڈیا سے گفتگو میں چوہدری نثار علی خان نے کہا کہ

میں تنقید کی سیاست میں نہیں پڑوں گا، شہباز شریف کا مشیر ہوتا تو ان سے کہتا کہ حکومت نہ لو۔انہوں نے کہا کہ شہباز شریف کو کہتا اگر حکومت لو تو صرف 3، 4 دن کیلئے اور انتخابات کا اعلان کردو۔چوہدری نثار نے کہا کہ اس وقت اور 71ء کی صورتحال میں بڑا فرق ہے، اس وقت صرف ایک بھارت دشمن تھا۔انہوںنے کہاکہ اس وقت مشکلات ہیں، بروقت انتخابات نہ ہوئے تو ان میں مزید اضافہ ہو گا، میں الیکشن آزاد حیثیت میں لڑوں گا۔سابق وزیر داخلہ نے کہا کہ ملک میں غیر متنازع انتخابات ہونے چاہئیں، انتخابات 2 ماہ آگے یا پیچھے بعد کی بات ہے مگر غیر متنازع ہوں۔انہوں نے کہا کہ اس سے پہلے بھی متنازع الیکشن پاکستان کی تباہی کا موجب بنے، غیر متنازع انتخابات کے لیے غیر متنازع نگراں حکومت ہونی چاہیے۔چوہدری نثار علی خان نے کہاکہ نگراں حکومت ہر پارٹی کے اتفاق سے بنے، ضمنی انتخابات پہلے ہوں، صوبائی یا جنرل الیکشن اس سال ہوں گے۔