بہاولپور (این این آئی)بہاولپور لاری اڈہ کے قریب ایک ہی خاندان کی 3 خواتین کو قتل کردیا گیا،پولیس نے ملزم وسیم کو آلہ قتل سمیت گرفتار کرلیا،پولیس تینوں خواتین کے قتل کی تحقیقات میں مصروف وجہ قتل تاحال معلوم نہ ہوسکی۔تفصیلات کے مطابق بہاولپور کے علاقے لاری اڈہ کے قریب بھتیجے نے اپنی 3 پھوپیوں کو تیز دھار آلے سے قتل کردیا پولیس تھانہ سول لائن نے آدھے گھنٹے میں ملزم محمد وسیم کو آلہ قتل سمیت گرفتار کرلیا ملزم وسیم مراد ایک نجی کمپنی میں سیکیورٹی گارڈ ہے پولیس کے مطابق مقتولین میں شمیم بی بی۔ پروین بی بی اور شاہین بی بی شامل ہیں ڈیڈ باڈیز کو ہسپتال منتقل کر کے پوسٹ مارٹم کروایا جا رہا ہے وجہ عناد ابھی تک واضح نہ ہے پولیس تفتیش جاری ہے۔