کراچی(این این آئی)کراچی میں پی ٹی آئی کے رہنما اور لیبر ونگ کے مرکزی جنرل سیکرٹری گل نمروزکو حراست میں لے لیا گیا ہے۔اہلخانہ کے مطابق گل نمروز کو ان کے گھر کورنگی سے گرفتار کیا ہے۔رکن سندھ اسمبلی راجا اظہر کی جانب سے گل نمروز کی گرفتاری کی مذمت کرتے ہوئے کہا کہ گل نمروز اور ان کے بیٹے کو پولیس گرفتار کرکے نامعلوم مقام پر لے گئی ہے۔انہوں نے کہا کہ بغیر وارنٹ گرفتاری کس قانون کے تحت کی گئی اور کراچی میں پی ٹی آئی ورکرز کو ہراساں کیا جا رہا ہے۔پی ٹی آئی کارکنوں نے رات گئے ملینیئم مال کے قریب احتجاجی مظاہرہ کیا تھا جس میں خواتین سمیت دیگر پی ٹی آئی کارکنوں نے شرکت کی۔ پی ٹی آئی کارکن حکومت کے خلاف شدید نعرے کرتے تھے۔