ملتان (مانیٹرنگ ڈیسک) پاکستان سپر لیگ 8 کے تیسرے میچ میں ملتان سلطانز نے ٹاس جیت کر پہلے فیلڈنگ کا فیصلہ کیا، کوئٹہ گلیڈی ایٹرز کی جانب سے جیسن رائے نے 27، مارٹن گپٹل نے 7، عبدل بنگلزئی نے 1، سرفراز احمد نے 2، عمراکمل نے 11، افتخار احمد صفر، محمد نواز نے 14، نسیم شاہ نے ایک، محمد حسنین نے 22، محمدحفیظ نے 18رنزبنائے۔اس طرح پوری ٹیم 18.5 اوورز میں 110 رنز بنا کر آؤٹ ہو گئی،جس کے بعد ملتان سلطانز کی جانب سے شان مسعود اور محمد رضوان بیٹنگ کے لئے آئے، شان مسعود تین رنز بنا کر آؤٹ ہوئے، محمد رضوان 28 اور ریلی رؤسو 78 رنز کے ساتھ ناٹ آؤٹ رہے، اس طرح 13.3 اوورز میں ایک وکٹ کے نقصان پر ملتان سلطانز نے میچ جیت لیا۔

موضوعات:ملتان سلطانز