اسلام آباد (این این آئی)الیکشن کمیشن کے باہر احتجاج کے کیس میں بھی بڑی پیش رفت ،اسلام آباد کی انسداد دہشت گردی عدالت نے عمران خان کی عبوری ضمانت عدم پیشی پر خارج کردی۔انسداد دہشتگردی کی عدالت کے جج جواد عباس نے
الیکشن کمیشن کے باہر احتجاج سے متعلق کیس کی سماعت کی۔ عدالت نے بھی عمران خان کو ڈیڑھ بجے تک پیش ہونے کی مہلت دی تھی تاہم وہ مقررہ وقت پر عدالت میں پیش نہیں ہوئے جس پر عدالت نے فیصلہ سناتے ہوئے ان کی ضمانت خارج کردی۔ ے ٹی سی کے جج جواد عباس نے دوران سماعت ریمارکس دیئے ایک بلٹ انجری پر کسی ملزم کو اتنی رعایت نہیں دی جاسکتی ہے، اگر اتنی رعایت دی گئی تو یہ تمام ملزمان کے لیے ہوگی اور عدالت ایسی کوئی نظیر قائم کرنا نہیں چاہتی۔الیکشن کمیشن کے فیصلے پر احتجاج اور ہنگامہ آرائی کے مقدمے میں چیئرمین پاکستان تحریک انصاف عمران خان عبوری ضمانت پر تھے۔
