لاہور(این این آئی) پاکستان تحریک انصاف نے لاہور ہائیکورٹ کے فیصلے کے باوجود الیکشن کی تاریخ کا اعلان نہ ہونے پر نئی حکمت عملی مرتب کر لی۔ذرائع کے مطابق پی ٹی آئی کی جانب سے 90 دن میں عام انتخابات نہ ہونے پر آئین بچاؤتحریک شروع کرنے پر غور کیا جا رہا ہے۔ذرائع نے بتایا ہے کہ چیئرمین پی ٹی آئی عمران خان کی وکلا ء اور سول سوسائٹی سے مشاورت جاری ہے۔اس حوالے سے عمران خان نے پی ٹی آئی کے وکلا ء ونگ کو متحرک ہونے کی ہدایت کر دی ہے۔ذرائع نے مزید بتایا ہے پہلے مرحلے میں وکلاء، سول سوسائٹی اور پارٹی رہنما احتجاج کریں گے۔دوسرے مرحلے میں پی ٹی آئی کے چیئرمین عمران خان خود میدان میں اتریں گے۔