سکھر (این این آئی) پاکستان پیپلز پارٹی کے رہنما سردار لطیف کھوسہ نے کہاہے کہ الیکشن اپنے وقت پر ہونے چاہیئے کسی بھی طریقے سے الیکشن ملتوی کرنے کے حق میں نہیں ہیں پیپلز پارٹی الیکشن کیلئے تیار ہے پیپلز پارٹی ہمیشہ آئین کے مطابق الیکشن کی خواہشمند رہی ہے۔ ان کا کہنا تھا کہ ڈالر اور پٹرول کی قیمت 3 سو روپے ہو جائے گی، انہوں نے کہا کہ بجلی اور گیس کی قیمتوں میں اضافہ ہوا تو عوام قابو میں نہیں رہیں گے، یہ فیصلے ہم نہیں مسلم لیگ (ن) بڑے پارٹنر کے طور پر کر رہی ہے، انہوں نے کہا کہ امریکا اور ایران میں خراب حالات کے باوجود الیکشن ہوئے تھے تو یہاں پر کیوں نہیں ہوسکتے،سیاسی جماعتوں کو بیٹھ کر دو چار مہینے آگے پیچھے کر کے ایک ہی وقت میں الیکشن کروائیں۔