پشاور(این این آئی)پشاور سمیت خیبر پختونخوا کے میدانی اضلاع میں گزشتہ 24گھنٹوں کے دوران ہونے والی موسلادھار بارش سے سردی کی شدت میں اضافہ ہوگیا۔ صوبائی محکمہ موسمیات کے مطابق خیبر پختونخوا میں آئندہ 24گھنٹوں کے دوران میدانی اور پہاڑی علاقوں پر مزید موسلادھار بارش اور برفباری کی توقع ہے۔ بالائی اضلاع میں پہاڑوں پر برفباری سے کئی علاقوں میں درجہ حرارت نقطہ انجماد سے گر گیا ہے۔ سب سے زیادہ بارش لوئر دیر میں 24 ملی میٹر ریکارڈ کی گئی جبکہ سب سے کم درجہ حرارت کالام میں منفی 7سنٹی گریڈ ریکارڈ کیا گیا۔