اسلام آباد(این این آئی)سابق وزیر خزانہ اور ماہر معیشت ڈاکٹر حفیظ پاشا نے پاکستانی معیشت کے حوالے سے کہاہے کہ ہمارے پاس گھنٹوں اور دنوں کا وقت رہ گیا اور فوری طور پر آئی ایم ایف کی شرائط پر عمل درآمد کرنا ہو گا۔ٹی وی سے گفتگو کرتے ہوئے

حفیظ پاشا نے کہاکہ ہمارے پاس اب گھنٹوں اور دنوں کا وقت رہ گیا ہے، ہمیں فوری طور پر آئی ایم ایف کی شرائط پر عمل درآمد کرنا ہو گا، ہمارے پاس اب کوئی دوسری گنجائش نہیں ہے۔حفیظ پاشا نے کہاکہ اگر ہم نے مزید التوا کیا تو ہمارے ذخائر مزید کم ہو جائیں گے اور ہم دیوالیہ ہونے کی سطح پر پہنچ جائیں گے۔یاد رہے کہ آئی ایم ایف کا وفد پاکستان کو ایک اعشاریہ ایک ارب ڈالر قرض کی قسط کے سلسلے میں نویں جائزہ مذاکرات کیلئے31جنوری کو پاکستان پہنچا تھا، پاکستان اور آئی ایم ایف کے وفد10روز تک مذاکرات جاری رہے۔آئی ایم ایف کی جانب سے جاری اعلامیے میں کہا گیا کہ پاکستانی حکام کے ساتھ مذکرات تعمیری رہے۔