انقرہ(این این آئی)ترکیہ میں ملبے تلے دبی ڈیڑھ سالہ بچی کو56گھنٹوں بعد ریسکیو کرلیا گیا۔انقرہ سے ملنے والی رپورٹ کے مطابق بچی ملبے تلے دبی حاملہ ماں کیساتھ موجود تھی۔۔ ترکیہ اور شام میں زلزلے سے اموات کی مجموعی تعداد 11ہزار 200 سے بڑھ گئی۔ترک صدر رجب طیب اردوان نے زلزلے سے متاثرہ علاقے کا دورہ کیا۔اس موقع پر ترک صدر نے کہاکہ ترکیہ کے عوام کو کھلے آسمان تلے بے یار و مددگار نہیں چھوڑ سکتے۔انہوں نے کہا کہ زلزلے سے متاثرہ علاقوں میں ابتدائی طور پر ہوائی اڈوں، سڑکوں کے مسائل تھے، صورتحال میں بہتری لا رہے ہیں، تمام وسائل کو متحرک کر دیا ہے، ریاست اپنا کام کر رہی ہے۔