سکھر(این این آئی)ٹک ٹاک نے نوجوان کی جان لے لی ، ویڈیو بناتے ہوئے گولی لگ گئی ، 18سالہ نوجوان بابر جاں بحق ہوگیا ، گھر میں کہرام مچ گیا ۔ تفصیلات کے مطابق سکھر میں ٹک ٹاک کے شوق نے نوجوان کی جان لے لی واقعہ تھانہ ایئرپورٹ کی حدود میں بچل شاہ میں پیش آیا جہاں ٹک ٹاک ویڈیو کے دوران 18سالہ نوجوان بابر علی انصاری نے ہاتھ میں پسٹل لیکر گلی میں ویڈیو شوٹ کر رہا تھا کہ کہ اچانک گولی چل پڑی اور نوجوان کو لگی جس کے نتیجے میں نوجوان بابر علی جانبحق ہو گیا ، پولیس نے قانونی کاروائی کے بعد نعش ورثاء کے حوالے کر دی، واقعہ کی اطلاع پر گھر میں کہرام مچ گیا ۔