لاہو ر(این این آئی) پاکستان تحریک انصاف کے چیئرمین عمران خا ن نے راجن پور کے حلقہ این اے 193کے ضمنی الیکشن میں انتخاب نہ لڑنے کا فیصلہ کر لیا۔ پی ٹی آئی چیئرمین عمران خان کی جانب سے کاغذات نامزدگی واپس لے لیے گئے، تحریک انصاف کی ٹکٹ پر سابق وزیر محسن لغاری میدان میں آگئے۔

اس حوالے سے ضلعی صدر تحریک انصاف عبدالرزاق راجہ نے بتایا کہ اس حکومت کے دور میں عمران خان فارن فنڈنگ کیس میں نا اہل ہو سکتے ہیں اس لیے عمران خان کے کاغذات نامزدگی واپس لے لیے ہیں۔عمران خان این اے 193 کے ضمنی الیکشن میں حصہ نہیں لے رہے ہیں، تحریک انصاف کے امیدوار سابق وزیر محسن لغاری ہوں گے۔ اس موقع پر محسن لغاری کا کہنا تھا کہ مجھے پارٹی نے امیدوار نامزد کر دیا ہے، حلقہ سے بھرپور کامیابی حاصل کریں گے۔،این اے 193 میں ضمنی انتخاب 26 فروری کو ہوں گے۔تحریک انصاف کے ایم این اے سردار جعفر لغاری کے انتقال پر نشست خالی ہوئی تھی، مسلم لیگ ن کے ٹکٹ پر عمار اویس لغاری اور پیپلز پارٹی کے ٹکٹ پر سابق آئی جی اختر خان گورچانی میدان میں ہیں۔ عمران خا ن نے راجن پور کے حلقہ این اے 193کے ضمنی الیکشن میں انتخاب نہ لڑنے کا فیصلہ کر لیا۔ پی ٹی آئی چیئرمین عمران خان کی جانب سے کاغذات نامزدگی واپس لے لیے گئے، تحریک انصاف کی ٹکٹ پر سابق وزیر محسن لغاری میدان میں آگئے۔

موضوعات:عمران خان