لاہور ( این این آئی )چیئرمین تحریک انصاف عمران خان نے جڑانوالہ سے مسلم لیگ ن کی بہت بڑی وکٹ اڑا دی تفصیلات کے مطابق ایم پی اے مسلم لیگ ن رائے حیدر علی خان کھرل نے چئیرمین پاکستان تحریک انصاف عمران خان سے ملاقات کی اور باقاعدہ طور پر پاکستان
تحریک انصاف میں شمولیت اختیار کر لی جس کا باقاعدہ طور پر اعلان بھی کر دیا گیا ایم پی اے رائے حیدر علی خان کھرل دو مرتبہ پاکستان مسلم لیگ ن کے ٹکٹ سے ایم پی اے منتخب ہو چکے ہیں اور میاں محمد نواز شریف نے انہیں ایک مرتبہ مشیر وزیر اعلی بھی بنایا گیا ہے اور اسے جڑانوالہ کے تعمیر و ترقی کیلئے گرانٹ بھی مہیا کی گئی تھی رائے حیدر علی خان کھرل ایم پی اے کے والد رائے صلاح الدین خان کھرل دو مرتبہ جڑانوالہ کے حلقہ سے ایم این اے منتخب ہو چکے ہیں اور یہ میاں محمد نواز شریف کے دیرینہ ساتھی تھے ایم پی اے رائے حیدر علی خان کھرل کو تحریک انصاف میں شمولیت ہونے پر جڑانوالہ کے حلقہ میں غم و غصہ کا اظہار پایا جاتا ہے شیخ وقاص ایڈووکیٹ صدر لائرز نے پریس کانفرنس کرتے ہوئے کہا ہے کہ مسلم لیگ ن نے جڑانوالہ سے رائے حیدر علی خان کھرل کو بہت زیادہ عزت دی اس نے صرف اپنی لالچ میں آکر پاکستان تحریک انصاف میں شمولیت اختیار کی اور آئندہ انتخابات میں اس کو بری طرح سے شکست ہو گی اور اس کا بوریا بسترا گول کیا جائے گا مسلم لیگ ن نے ہی ان کو عزت دی جس کی وجہ سے ان کی جڑا نوالہ میں پہچان ہوئی مسلم لیگ ہی وہ واحد جماعت ہے جو ملک کو ترقی کی راہ پر گامزن کریں گی
