اسلام آباد(آئی این پی)وفاقی محکمہ تعلیم نے شدید سردی کے باعث تعلیمی اداروں کے اوقات کار میں تبدیلی کردی، جس کا اطلاق فوری نافذ العمل کرنے کا نوٹی فکیشن جاری کیا گیا۔

وفاقی محکمہ تعلیم کے جاری کردہ نوٹی فکیشن کے مطابق تمام وفاقی تعلیمی اداروں کے اوقات کار شدید سردی کے باعث تبدیل کئے گئے ہیں،سنگل شفٹ چلانے والے ادارے پیر سے جمعرات تک صبح ساڑھے 8سے دوپہر ڈھائی بجے تک کھلے رہیں گے جبکہ جمعے کو صبح ساڑھے 8سے ساڑھے 12بجے تک کھلیں گے،محکمہ تعلیم کے نوٹی فکیشن کے مطابق ڈبل شفٹ والے تعلیمی اداروں کے تحت پیر سے جمعرات تک مارننگ شفٹ صبح 8سیڈیڑھ بجے تک ہوگی جبکہ جمعے کے روز 8سے ساڑھے 12بجے تک مارننگ شفٹ کام کرے گی،نوٹی فکیشن کے مطابق ایوننگ شفٹ ڈیڑھ سے شام 7بجے تک ہوگی اور جمعے کے دن شفٹ ڈھائی سے لیکرشام 7بجے تک کام کرے گی،جاری کردہ نوٹی فکیشن میں یہ بھی کہا گیا ہے کہ تمام تعلیمی ادارے کے طلباوطالبات کو یونیفارم کے علاوہ بھی سوئٹرز یا جیکٹ پہننے کی اجازت ہوگی ۔