اسلام آباد (این این آئی) وزیر اعظم شہباز شریف کی زیر صدارت قومی سلامتی کمیٹی کا اجلاس (آج)پیر کو دوبارہ ہوگا جس میں کمیٹی ملکی معیشت اور سلامتی پر واضح گائیڈ لائن کی منظوری دیگی ، دہشت گردوں کے خلاف فیصلہ کن کارروائیوں کی منظوری بھی لی جائے گی۔
تفصیلات کے مطابق قومی سلامتی کمیٹی کے گزشتہ اجلاس کے جاری اعلامیہ میں بتایاگیا کہ قومی سلامتی کمیٹی کا اجلاس پیر کو زیراعظم ہائوس میں دوبارہ ہوگا جس کی صدارت وزیراعظم شہباز شریف کرینگے ۔اجلاس میں وفاقی وزرا، سروسز چیفس اورانٹیلی جنس اداروں کے سربراہان شریک ہونگے ۔ ذرائع کے مطابق قومی سلامتی کمیٹی پیر کو ہونے والے دوسرے اجلاس میں ملکی معیشت اور سلامتی پر واضح گائیڈ لائن کی منظوری دیگی اور دہشت گردوں کے خلاف فیصلہ کن کارروائیوں کی منظوری بھی لی جائے گی۔گزشتہ اجلا س کے اعلامیہ کے مطابق نیشنل سکیورٹی کمیٹی (این ایس سی) کے اجلاس میں سامنے آنے والی تجاویز کی روشنی میں مزید فیصلے کئے جائیں گے۔
