اسلا م آباد(آن لائن )وزیراعظم شہباز شریف نے سابق صدر آصف علی زرداری، قائد مسلم لیگ ن نوازشریف اور پی ڈی ایم سربراہ مولانا فضل الرحمان سے علیحدہ علیحدہ ٹیلی فونک رابطے کئے ہیں ۔ذرائع کے مطابقوزیراعظم نے تینوں رہنمائوں کو نئے سال کی مبارکباد دی۔ ان ملاقاتوں میں ملکی سیاسی و معاشی صورتحال پر تبادلہ خیال کیا گیا ۔ ملک میں دہشتگردی کے خاتمے کی کوششوں کے حوالے سے قومی سلامتی کمیٹی کی سفارشات پر بھی گفتگو کی گئی جبکہ عوامی مسائل کے حل اور پنجاب کی تازہ ترین صورتحال ، وزیراعلیٰ پنجاب کے متوقع اعتماد کے ووٹ پر بھی بات چیت کی گئی ۔ذرائع کے مطابق وزیر اعظم نے نواز شریف کو اہم حکومتی فیصلوں سے بھی آگاہ کیا۔نوازشریف نے ہدایت کی کہ عوام کو ریلیف دینے کے اقدامات کو تیز کیا جائے۔