لاہور (آن لائن ) سابق فاسٹ بولر محمد عامر نے کہاہے کہ اللہ جب کسی کو پاور دیتا ہے تو لے بھی سکتا ہے، جب انسان پاور میں آتا ہے تو اسے اپنا آپ نہیں بھولنا چاہیے۔ گزشتہ روز نیشنل ہائی پرفارمنس سینٹر میں میڈیا سے گفتگو میں فاسٹ بولر محمد عامر نے سابق چیرمین پی سی بی رمیز راجہ پر

تنقیدکرتے ہوئے کہا مجھے لگتا ہے کہ ہے رمیز راجا بہت پڑھے لکھے آدمی ہیں ان کیلئے مجھ سمیت کوئی بھی شخص یہ نہیں سوچ سکتا تھا کہ وہ منہ اٹھا کر کسی پر بھی الزام لگا دیں گیکہ سب بکاؤ ہیں، ان کی باتوں سے لگ رہا تھا وہ صحیح ہیں اور باقی سب غلط ہیں۔عامر نے کہا کہ پچھلے سسٹم سے کھلاڑیوں کو شکایات تھیں کہ ان کے فون پک نہیں کیے جاتے، انھیں ریپلائی نہیں دیا جاتا۔ انھوں نے کہا کہ جب کوئی انسان پاور میں آتا ہے تو اسے اپنا آپ نہیں بھولنا چاہیے،کیوں کہ اللہ جب کسی کو اختیارات دیتا ہے تو وہ لے بھی سکتا ہے، اگر کوئی اپنی پاور کا غلط استعمال کرے تو پھر جس طرح آج کل ٹی وی پر جاکر گلے شکوے ہو رہے یہی ہوتا ہے کیونکہ انسان جیسا کرتا ہے ویسا بھرتا ہے، انسان اگر نیت صاف رکھے اپنے کام سے کام رکھے تو اس کے لیے چیزیں آسان ہو جاتی ہیں۔ سابق فاسٹ بولر محمد عامر نے کہاہے کہ اللہ جب کسی کو پاور دیتا ہے تو لے بھی سکتا ہے، جب انسان پاور میں آتا ہے تو اسے اپنا آپ نہیں بھولنا چاہیے۔

موضوعات:محمد عامر