لندن (این این آئی )برطانوی محکمہ موسمیات نے کہاہے کہ 2023برطانیہ کی تاریخ کا گرم ترین سال ہوگا جس کی تصدیق یکم جنوری کو ہو جائے گی۔میڈیارپورٹس کے مطابق برطانوی محکمہ موسمیات نے بتایاکہ رواں برس 19 جولائی کو ہیتھرو ائیرپورٹ پردرجہ حرارت 40.2 سینٹی گریڈ تک گیا تھا، رواں برس کے چاروں سیزن برطانوی ریکارڈ کے 10 گرم ترین سیزن میں شامل تھے۔محکمہ موسمیات کا کہنا تھا کہ 1984 کے بعد بلند ترین سالانہ درجہ حرارت والے 10 سال 2002 سے بعد کے ہیں۔محکمہ موسمیات کا کہناتھا کہ سائنسی شواہد اس بات کی نشاندہی کرتے ہیں کہ موسمیاتی تبدیلیوں کے زیر اثر پورے کرہ ارض پر 1.5 ڈگری سینٹی گریڈ کے حساب سے درجہ حرارت میں اضافہ ہو رہا ہے۔