لاہور (آن لائن) وزیراعظم کے معاون خصوصی برائے داخلہ و قانونی امور عطا اللہ تارڑ نے پرویز الٰہی کیخلاف تحریک عدم اعتماد میں سرپرائز دینے کا دعوی کرتے ہوے کہا ہے کہ ووٹنگ خفیہ رائے شماری سے ہونی ہے۔ عطا اللہ تارڑ نے پنجاب اسمبلی کے حوالے سے بیان میں کہا کہ اسپیکر سبطین خان اور ڈپٹی اسپیکر پنجاب اسمبلی واثق قیوم عباسی کے خلاف تحریک عدم اعتمادپر ووٹنگ خفیہ رائے شماری سے ہونی ہے۔انہوں نے کہا کہ اس ضمن میں نمبر گیم انتہائی دلچسپ ہے۔ ہماری بھرپور تیاری ہے اور انشاء اللہ سرپرائز دیں گے۔ انہوں نے کہا الحمدللہ اپنے نمبرز کے حوالے سے مطمئن ہیں ۔