ممبئی (آئی این پی) بھارتی اداکارہ تونیشا شرما کی خود کشی کو ہندو انتہاپسند حکمران جماعت بی جے پی نے لوجہاد کا نتیجہ قرار دے دیا۔ گزشتہ ہفتے ڈرامے کی شوٹنگ کے سیٹ پر خود کشی کرنے والی اداکارہ تونیشا شرما کے دوست اورساتھی اداکار شیزان خان کو اداکارہ کی والدہ کے الزامات کے بعد گرفتار کرلیا گیا تھا۔ ریاست مہاراشٹر میں بی جے پی کے وزیر گریش مہاجن نے ایک بار پھر مسلمان دشمنی کا مظاہرہ کرتے ہوئے تونیشا شرما کی خود کشی کو لو جہاد قرار دیتے ہوئے کہا کہ ہم اس کے خلاف سخت قانون لائیں گے اور تونیشا شرما کے خاندان کو انصاف دلائیں گے۔ اسسٹنٹ کمشنر پولیس پہلے ہی اعلان کرچکے ہیں کہ اس معاملے میں لو جہاد کا کوئی پہلو سامنے نہیں آیا ہے۔