کراچی (آئی این پی) معروف سینئر اداکارہ سلومی کا بھائی ڈاکوئوں کے ہاتھوں مزاحمت پر قتل ہوگیا۔ گزشتہ روز کراچی کے علاقے جمشید کوارٹر میں گرومندر کے قریب مطب میں قتل کیا گیا حکیم پاکستان کی معروف اداکارہ سلومی عزیز کا بھائی نکلا۔ اداکارہ سلومی کے مطابق ان کے بھائی کو واردات کے دوران ڈاکوں نے قتل کیا۔ اداکارہ کے مطابق ان کی یا بھائی کی کسی سے دشمنی نہیں وہ اس پر جلد بھرپور قانونی کارروائی کریں گی۔ جب کہ پولیس واقعہ کو دشمنی قرار دے رہی ہے۔ پولیس کا دعوی ہے کہ چند سیکنڈ میں ہوئی واردات کسی تنازع کا شاخسانہ لگتی ہے۔پولیس کے مطابق ابتدائی تفتیش کے دوران سی سی ٹی وی فوٹیج کے ذریعے یہ بات سامنے آئی ہے کہ دکان کے اندر سے کوئی چیز چھینی یا لوٹی نہیں گئی تھی۔