اسلام آباد (این این آئی) وفاقی دارالحکومت اسلام آباد میں 109 غیر قانونی ہاؤسنگ اسکیموں کا انکشاف ہوا ۔پیر کو اسلام آباد میں قانونی اور غیر قانونی رہائشی سکیموں کی تفصیلات قومی اسمبلی میں پیش کر دی گئیں۔وزارت داخلہ نے تحریری جواب میں بتایاکہ اسلام آباد میں منظور کردہ ہاوسنگ سکیموں کی تعداد 47 ہے ،اسلام آباد میں غیر قانونی ہاوسنگ سکیموں کی تعداد 109 ہے ۔وزارت داخلہ کے مطابق اسلام آباد کے زون فور میں سب سے زیادہ 77 غیر قانونی ہاوسنگ سکیمیں ہیں ،زون ٹو میں پانچ اور زون فائیو میں 27 غیر قانونی ہاوسنگ سکیمیں ہیں ،اسلام آباد کے زون فائیو میں قانونی ہاوسنگ سکیموں کی تعداد 23 ہے ۔وزارت داخلہ کے مطابق زون ٹو میں 12 جبکہ زون فائیو میں 23 قانونی ہاوسنگ اسکیمز ہیں،غیر قانونی ہاؤسنگ اسکیموں کے آغاز کی تاریخ اور اسپانسرز کے نام دستیاب نہیں۔