اسلام آباد (مانیٹرنگ ڈیسک )قطر میں جاری فیفا ورلڈ کپ میں کئی بڑے اپ سیٹ سامنے آچکے ہیں عالمی چمپئن رہنے والی ٹیم فائنل تک رسائی حاصل نہ کر سکیں ۔ چمچماتی ٹرافی کے صرف 4 دعویدار میدان میں باقی رہ گئے۔تفصیلات کے مطابق فیفا ورلڈ کپ اختتامی مراحل میں داخل ہو چکا ہے ، ایونٹ کا پہلا سیمی فائنل ارجنٹائن اور کروشیا کے مابین بدھ کے روز پاکستانی وقت کے مطابق رات 12بجے کھیلا جائے گاجبکہ میگا ایونٹ میں تاریخ رقم کرنیوالی مسلمان مراکش کی ٹیم جمعرات کو دفاعی چیمپئن فرانس کیساتھ مدمقابل ہوگی جس میں امکانات نظر آرہے ہیں کہ وہ فرانس کو ناکوں چنے چبوا سکتی ہے ۔ ایونٹ میں سیمی فائنل تک رسائی حاصل کرنے والی ٹیم مراکش کی ٹیم پہلی افریقی اور عرب ٹیم بننے کا اعزاز اپنے نام کر چکی ہے ۔ تیسری پوزیشن کا میچ ہفتے جبکہ اتوار کو چمچماتی ٹرافی کا فائنل کھیلا جائے گا ۔