اسلام آباد( مانیٹرنگ ڈیسک) وزیر خارجہ بلاول بھٹو زرداری کی پریس کانفرنس پر صدر مملکت عارف علوی اور انکے ترجمان نے تبصرے سے گریز کیا ہوا ہے۔روزنامہ جنگ میں صالح ظافر کی خبر کے مطابق وفاقی حکومت پیپلز پارٹی کے چیئرمین اور وزیر خارجہ بلاول بھٹو زرداری کی طرف سے صدر عارف علوی کے حوالے سےاس موقف پر انکے ساتھ کھڑی ہے جس میں انہوں نے کہاتھاکہ اگر صدر نے(آرمی چیف کی تقرری پر) کوئی مسئلہ پیدا کرنے کی کوشش کی تو انہیں نتائج کا سامنا کرنا پڑے گا۔حکمران اتحاد اور وفاقی حکومت بلاول کے اظہار خیال کی تائید کر رہی ہے جبکہ بلاول بھٹو زرداری کے بیان پر پی ٹی آئی رہنما شیریں مزاری اور بعض دیگر اہم شخصیات نے حیرانی کا اظہار کیا تھا تاہم اس معاملے میں ایوان صدر اور اس کے ترجمان کی جانب سے صدر کی جانب سے کوئی لفظ پیش نہیں کیا گیا ہے۔