لاہور (این این آئی) پاکستان تحریک انصاف کے چیئرمین عمران خان حکومت کو بڑا سرپرائز دینے کو تیار، حقیقی آزادی مارچ کا پڑاؤ فیض آباد میں ڈالنے کا قوی امکان ہے۔نجی ٹی وی نے ذرائع کے حوالے سے بتایا کہ تحریک انصاف کے حکومت مخالف حقیقی آزادی مارچ کے معاملے پر

عمران خان حکومت کو بڑا سرپرائز دینے کو تیار ہیں۔ حقیقی آزادی مارچ کا پڑاؤ کس جگہ ہوگا تعین کر لیا گیا، حقیقی آزادی مارچ کا پڑاؤ فیض آباد میں ڈالنے کا قوی امکان ہے۔ذرائع کا کہنا ہے کہ زمان پارک میں حکومت کوٹف ٹائم دینے کے مشاورتی عمل میں تیزی آگئی،گزشتہ دنوں بھی عمران خان کی زیر صدارت اجلاس میں شاہ محمود،اسدعمر ودیگرشریک تھے۔پی ٹی آئی کا مطالبات کی منظوری کے لیے مختلف آپشنز پر غور جاری ہے، رہنماؤں نے تجویز دی ہے کہ راولپنڈی پہنچ کر مطالبات کی منظوری کے لیے حکومت کو ڈیڈ لائن دی جائے، حکومت قبل از وقت انتخابات کا اعلان نہیں کرتی تو اسلام آباد کی جانب بڑھا جائے اور وہاں فیض آباد میں پڑاؤ کی جائے،جب تک حکومت قبل از وقت انتخابات کا اعلان نہیں کرتی دھرنا دیا جائے۔ذرائع کے مطابق پارٹی رہنماؤں کی گزشتہ اجلاس کی تجاویز پر مزید مشاورت ہوگی، جس کے بعد عمران خان اہم اعلان کریں گے۔

موضوعات:عمران خان