لاہور ( این این آئی) عوامی مسلم لیگ کے سربراہ و سابق وزیر داخلہ شیخ رشید نے کہا ہے کہ بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں۔
لانگ مارچ کاتاریخی فیصلہ کن پڑائو راولپنڈی میں ہوگا۔انہوں نے سماجی رابطے کی ویب سائٹ ٹوئٹر پر لکھا کہ نواز شریف نے جتنے لوگوں کوتعینات کیا ان سب سے پھڈا کیا، ایک تعیناتی سب پہ بھاری ہے،بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں۔انہوں نے کہا کہ مارنے والے سے بچانے والا زیادہ طاقتور ہے۔نوازشریف،آصف زرداری اور فضل الرحمن کومایوسی ہوگی،فیصلہ میرٹ پر ہوگا اور الیکشن ہوں گے ،لانگ مارچ کاتاریخی فیصلہ کن پڑائو راولپنڈی میں ہوگا۔شیخ رشید نے کہ اگر سعودی عرب کے مہمان اگر پاکستان آئے تو ہمیں بھی خوشی ہوگی،اسلام آباد ربڑسٹمپ پارٹیوں کا نہیں ہمارا بھی ہے۔انہوں نے مزید کہا کہ ارشد شریف کی ماں کو پوسٹ مارٹم رپورٹ کے لیے سپریم کورٹ جانا پڑا،اس رپورٹ سے قوم کے دل دھل گئے ہیں۔
