لاہور/سادھوکی(این این آئی)پاکستان تحریک انصاف کے لانگ مارچ میں ایک پولیس اہلکار بھی دل کا دورہ پڑنے کے باعث انتقال کرگیا۔لانگ مارچ سادھوکی کے مقام پر موجود تھا کہ خاتون رپورٹر صدف نعیم کنٹینر کے نیچے آ کر جاں بحق ہو گئی۔ خاتون کی لاش کو تحصیل ہیڈ کوارٹر ہسپتال کامونکی منتقل کیا گیا جس کے بعد اے بذریعہ ایمبولینس لاہور منتقل کیا گیا۔ترجمان پولیس کے مطابق لانگ مارچ میں ڈیوٹی کے دوران پولیس کانسٹیبل لیاقت علی دل کے دورے کے باعث جان کی بازی ہار گیا۔پولیس کے مطابق کانسٹیبل لیاقت علی پولیس کا ڈرائیور تھا، مرحوم لانگ مارچ کے ساتھ ڈیوٹی کر رہا تھا۔