اسلام آباد (این این آئی)وزیراعظم شہباز شریف کی دعوت پر طلب کیا گیا پی ڈی ایم کے سربراہی اجلاس کا ایجنڈا سامنے آگیا۔تفصیلات کے مطابق پی ڈی ایم سربراہی اجلاس جمعہ کو 3بجے ہو گا جس میں اتحادی جماعتوں کا موقف اور رئے لی جائیگی۔ اجلاس میں عمران خان کے لانگ مارچ سے نمٹنے کی حکمت عملی طے کی جائیگی۔ ذرائع کے مطابق سائفر لیکس سے متعلق مقدمات پر بھی مشاورت کی جائیگی۔اجلاس میں ملکی اورعلاقائی صورتحال پر غور ہو گا۔ حالیہ ضمنی انتخاب سمیت دیگر امور کا بھی جائزہ لیاجائیگا۔ذرائع کے مطابق فیصلے کرنے کیلئے جے یوآئی کی مجلس شوری کا اجلاس بھی (آج) جمعرات کو ہو گا۔